Նոր փորձարկում առողջաապահության ոլորտում

ՀՀ կառավարությունը փոփոխություն է կատարել իր նախկին որոշումներից մեկում և հաստատել պետության կողմից երաշխավորված բժշկական օգնության և սպասարկման շրջանակներում մատուցվող ծառայությունների փոխհատուցման համավճարային նոր եղանակի փորձնական կիրառման կարգը:

Այս մասին տեղեկացնում են կառավարության հասարակայնության հետ կապերի վարչությունից: Նշենք, որ համավճարը պետության երաշխավորած բուժօգնության շրջանակում հիվանդի բուժման համար սահմանված գնի և բուժհաստատության կողմից նույն ծառայության համար հաշվարկված իրական ծախսի տարբերությունն է, որը վճարում է հիվանդը:

Համավճարի ներդրմամբ, կառավարությունում վստահեցնում են, որ կբարելավվի բուժհաստատության ֆինանսական հոսքերի կառավարումը, կբարձրանա բժշկական ծառայությունների որակը և օրինական դաշտ կբերվի ոչ պաշտոնական վճարումների ծավալը: ՀՀ վարչապետ Տիգրան Սարգսյանը կարևորել է փորձարարական նոր եղանակի ներդրումը, որով լուրջ բարեփոխում է սկսվում ամբողջ ոլորտում: Վարչապետը ողջունել է նորամուծության արմատավորմանը մասնակցելու և դրա հաջողությանը նպաստելու Երևանի քաղաքապետարանի մտադրությունը:

Հարցեր, պատասխաններ, մեկնաբանություններ